एका युवतीने चंद्रपूर जिल्ह्यातील ब्रम्हपुरी शहरातील न्यायालयासमोर आत्महत्या केल्याची खळबळजनक घटना घडली आहे.ही युवती गडचिरोली जिल्ह्यातील देसाईगंज वडसा तालुक्यातील कोरेगाव ( चोप ) येथील रहिवासी आहे.
ब्रम्हपुरी :न्यायालयासमोर नव्या इमारतीचे बांधकाम सुरू असून या इमारतीच्या मुख्य गेट जवळ एका युवतीने आत्महत्या केल्याची घटना उघडकीस आल्याने खळबळ उडाली आहे. युवतीचे नाव पौर्णिमा मिलिंद लाडे वय वर्ष 27 असे आहे.ती गडचिरोली जिल्ह्यातील देसाईगंज वडसा तालुक्यातील कोरेगाव येथील रहिवासी होती.आज सकाळी तिचा मृतदेह गळफास लावून असलेल्या अवस्थेत आढळून आला आहे.आत्महत्या करण्याचे कारण अद्याप अस्पष्ट आहे.पुढील तपास ब्रम्हपुरी येथील पोलीस करत आहे.
