मुख्य संपादक तथा संचालक//सुरेश मोतकुरवार
#indindastak#onlienewsportal#social#education#politcal#entertainment#crime
सुंदरनगर, मार्च 2025 – सन 2024 मध्ये महाराष्ट्र शासनाच्या आरोग्य विभागाच्या वैद्यकीय अधिकारी गट-A परीक्षेत उत्तीर्ण होऊन प्राथमिक आरोग्य केंद्र, सुंदरनगर येथे रुजू झालेल्या डॉ. प्रद्युम प्रणब मल्लिक यांचा नेताजी सुभाषचंद्र प्राथमिक, माध्यमिक आणि उच्च माध्यमिक विद्यालय, सुंदरनगर तर्फे सत्कार करण्यात आला.
सत्काराच्या कार्यक्रमात डॉ. प्रद्युम मल्लिक यांना शाल, श्रीफळ आणि पुष्पगुच्छ देऊन सन्मानित करण्यात आले. या प्रसंगी डॉ. मल्लिक यांनी विद्यालयाच्या विद्यार्थ्यांना मार्गदर्शन करतांना ध्येय, दिशा, अथक परिश्रम, शिस्त, वक्ताशीरपणा आणि सातत्य राखण्याचे महत्त्व सांगितले. त्यांनी आपल्या वैद्यकीय क्षेत्रातील अनुभवांवर आधारित प्रेरक भाषण केले, ज्यामुळे विद्यार्थ्यांना उत्तम ध्येय साध्य करण्याची प्रेरणा मिळाली.
डॉ. मल्लिक हे नेताजी सुभाषचंद्र विद्यालयाचे माजी विद्यार्थी आहेत. त्यांनी महात्मा गांधी वैद्यकीय महाविद्यालय, सेवाग्राम येथून एम. बी. बी. एस. पदवी प्राप्त केली. नंतर त्यांनी उपजिल्हा रुग्णालय अहेरी आणि ग्रामीण रुग्णालय भामरागड येथे कंत्राटी वैद्यकीय अधिकारी म्हणून सेवा दिली. सध्या ते प्राथमिक आरोग्य केंद्र, सुंदरनगर येथे कार्यरत आहेत.
कार्यक्रमात वनवैभव शिक्षण संस्थेचे उपाध्यक्ष आदरणीय अब्दुल जमीर अब्दुल हकीम (बबलुभय्या) आणि शाहीन हकीम भाभीजी यांनी डॉ. मल्लिक यांना पुढील वाटचालीस शुभेच्छा दिल्या. या कार्यक्रमाला विद्यालयाचे प्राचार्य श्री विठ्ठल निखुले, प्राथमिक मुख्याध्यापक श्री सुनील स्वर्णकार, पर्यवेक्षक श्री सुनील वांढरे, तसेच प्राध्यापक, शिक्षक आणि शिक्षकेत्तर कर्मचारी उपस्थित होते.
ही कार्यशाळा विद्यार्थ्यांसाठी एक अद्वितीय अनुभव ठरली, ज्यामुळे त्यांना आयुष्यातील सर्वोत्तम गोष्टी साध्य करण्यासाठी योग्य दिशा मिळाली.
