मुख्य संपादक तथा संचालक//सुरेश मोतकुरवार
#indindastak#onlienewsportal#social#education#politcal#entertainment#crime
गडचिरोली जिल्यातील आलापल्ली-सिरोंचा राष्ट्रीय महामार्गाचा रोमपाली नाल्यावरील रपटा वाहुन गेल्याने प्रवाश्यांची दुर्दशा तसेच रस्त्याच्या दूरवस्थेमुळे वाढले अपघाताचे प्रमाण
सिरोंचा: मुख्यालयापासून आलापल्ली ते सिरोंचापर्यंत शंभर किलोमीटरचा रस्ता हा 153 क्रमांकाच्या राष्ट्रीय महामार्गामध्ये मोडतो. मात्र, या महामार्गाची दूरवस्था ग्रामीण भागातील पायवाटेपेक्षाही दयनीय झाली असून ठिकठिकाणी खड्डे असल्यामुळे अपघात वाढले आहेत. त्यामुळे या महामार्गावरचा प्रवास जीवघेणा झाला रोमपाली जवळील नाल्या चा रपटा वाहुन गेल्याने प्रवाश्यांची गैरसोय होत आहे याला सर्वस्वी जबाबदार अधिकारी व ठेकेदार आहेत
हा मार्ग राष्ट्रीय महामार्ग आहे. मात्र, या रस्त्याची अवस्था एखाद्या खेडेगावातील रस्त्याहूनही बिकट झाली आहे. त्यामुळे प्रवाशांना अनेक अडचणींना सामना करावा लागत आहे. या वाईट अवस्थेतील मार्गामुळे अनेक अपघात घडण्याचे प्रकार वाढले आहेत. तसेच काही अपघातात नागरिकांना जिवालाही मुकावे लागले. या मार्गावर इतक्‍या प्रमाणात अपघात होत असतानासुद्धा प्रशासन मात्र निद्रावस्थेत आहे.
