प्रतिनिधी//
मुख्य संपादक तथा संचालक// सुरेश मोतकुरवार
#indiandastak#onlinenewsportal#social#education#politcal#entertainment#crime
गडचिरोली:
स्थानिक ‘नाट्यश्री साहित्य कला मंच, गडचिरोली’ च्या वतीने *”आठवड्यातील उत्कृष्ट कवी व कविता* ” हा नविन उपक्रम सुरू करण्यात आलेला आहे. त्यानुसार दर आठवड्याला ही स्पर्धा घेण्यात येते. या उपक्रमांतर्गत प्रत्येक कवींनी दर आठवड्याला कविता सादर करायची असून या कवितांमधून फक्त एका कवितेची निवड करण्यात येते. या कवितेला *”आठवड्याची उत्कृष्ट कविता व कवीला आठवड्याचे उत्कृष्ट कवी”* म्हणून पुरस्कृत करण्यात येते. व पुरस्कार म्हणून एक पुस्तक व आकर्षक प्रमाणपत्राने गौरविण्यात येते.
या उपक्रमाचे अठ्ठाविसावे सत्र नुकतेच पार पडले असून यात २९ कवींनी सहभाग नोंदविला होता. या स्पर्धेचा निकाल नुकताच जाहीर करण्यात आला असून त्यात जळगाव जिल्ह्यातील कवी गणेश रामदास निकम यांची आठवड्याचे उत्कृष्ट कवी व त्यांच्या “दादा, नको लाडकी बहिण योजना” या कवितेची आठवड्याची उत्कृष्ट कविता म्हणून निवड करण्यात आली आहे. असे नाट्यश्री चे संचालक व नाटककार चुडाराम बल्हारपुरे, व कविता विभाग प्रमुख योगेश गोहणे यांनी कळविले आहे.
गणेश रामदास निकम हे गणेशपूर (ता. चाळीसगाव, जि. जळगाव) येथील रहिवासी असून प्रसिद्ध कवी आहेत. त्यांना मराठी आणि हिंदीतून कथा , कविता, चारोळ्या, लेख व शेरोशायरी लिहीण्याचा विशेष छंद आहे. शंभरावर कविता , लेख व चारोळ्यांचे लेखन त्यांनी केलेले आहे. अनेक वृत्तपत्रांतून त्याच्या कविता प्रकाशित झालेल्या असून ७५ विविध पुरस्कारांचे ते मानकरी आहेत.
त्यांच्या या यशाबद्दल नाट्यश्री चे प्रा.अरुण बुरे, दादा चुधरी, दिलीप मेश्राम, प्रा. यादव गहाणे तसेच नाट्यश्री च्या सदस्यांनी त्यांचे अभिनंदन केले आहे.
या अठ्ठाविसाव्या सत्राच्या स्पर्धेत प्रामुख्याने अतुल काशिनाथ गंडाटे, वंदना सोरते, वामनदादा गेडाम, पुनाजी कोटरंगे, जयराम धोंगडे, राजेंद्र सोनटक्के, पी. डी. काटकर, डॉ.चंद्रकांत लेनगुरे, गणेश रामदास निकम, रोशन येमुलवार, गजानन गेडाम, तुळशीराम उंदीरवाडे, संगीता ठलाल, सोनाली रायपुरे, ज्योती म्हस्के, मुर्लीधर खोटेले, रेखा दिक्षित, विलास टिकले, रंजना चुधरी, सुरज गोरंतवार, स्वप्नील बांबोळे, प्रियंका वाकडे, पुरुषोत्तम ठाकरे, मिलिंद बी. खोब्रागडे, ज्योत्स्ना बंसोड, सुजाता अवचट इत्यादी कवींनी सहभाग नोंदविला होता.
या पुरस्काराचे वितरण नाट्यश्रीच्या पुढील कार्यक्रमात करण्यात येणार आहे.
– *चुडाराम बल्हारपुरे* (नाटककार)
