प्रतिनिधी//
मुख्य संपादक तथा संचालक// सुरेश मोतकुरवार
#indiandastak#onlinenewsportal#social#education#politcal#entertainment#crime
तारेवरची कसरत करुन मुले चालली शाळेत.
वारंवार सांगूनही ग्रामपंचायत नागेपल्लीचा दुर्लक्ष
*पुसुकपल्ली-* ग्रामपंचायत नागेपल्ली अंतर्गत येत असलेल्या पुसुकपल्ली येथील जिल्हा परिषद प्राथमिक शाळेच्या दिशेने जाणाऱ्या रस्त्याची अत्यंत दुरवस्था झालेली आहे. शाळे समोरील रस्त्यावर केरकचरा,असून पावसामुळे नाल्या तुंबून रस्त्यावर पाण्याचे डबके तसेच केरकचरा रस्त्यावर आला आहे. आणि सर्वत्र चिखल झाला आहे. या चिखलातून शाळेत जाताना विद्यार्थ्यांना मात्र कसरत करावी लागत आहे.
नाली व गटारी पावसाच्या पाण्यानी भरल्याने त्यातील दुर्गंधी युक्त व घाण पाणी रस्त्यावर पावसाच्या पाण्यात मिश्रित होत आहे. सर्वत्र चिखलमय वातावरण निर्माण झाले आहे. मागील दोन वर्षांपासून शाळा बंद होत्या. आता कुठे त्या पूर्ववत व नियमित सुरू झाल्या आहेत.महिन्याभरापूर्वी बऱ्याच कालावधीनंतर शाळेची घंटा वाजली. शैक्षणिक धडे शिकण्यासाठी विद्यार्थी आतुर आहेत, पण चिखलाचा रस्ता आडवा येतोय. या रस्त्यावरून पावसाळ्यात शाळेला जाताना मोठी कसरत करावी लागते.
शाळेला जाणाऱ्या विद्यार्थ्यांना चिखल तुडवीत जावे लागते. अनेक विद्यार्थी तसेच नागरिक चिखलात घसरून पडतात.पावसाच्या पाण्यामुळे झालेल्या चिखलमय रस्त्यावरून नागरिकांना त्याचप्रमाणे खास करून विद्यार्थ्यांना जीव मुठीत घेऊन चालावे लागत आहे. या खराब रस्त्यामुळे विद्यार्थ्यांना नागरिकांना मानसिक व शारीरिक त्रास होताना दिसून येत असून त्यामुळे संताप व्यक्त होत आहे.
