प्रतिनिधी//
*गडचिरोली* : स्थानिक ‘नाट्यश्री साहित्य कला मंच , गडचिरोली’ च्या वतीने *”आठवड्यातील उत्कृष्ट कवी व कविता* ” हा नविन उपक्रम सुरू करण्यात आलेला आहे. त्यानुसार दर आठवड्याला ही स्पर्धा घेण्यात येते. या उपक्रमांतर्गत प्रत्येक कवींनी दर आठवड्याला कविता सादर करायची असून या कवितांमधून फक्त एका कवितेची निवड करण्यात येते. या कवितेला “आठवड्याची उत्कृष्ट कविता व कवीला आठवड्याचे उत्कृष्ट कवी” म्हणून पुरस्कृत करण्यात येते. व पुरस्कार म्हणून एक पुस्तक व आकर्षक प्रमाणपत्राने गौरविण्यात येते.
या उपक्रमाचे सतरावे सत्र नुकतेच पार पडले असून यात २९ कवींनी सहभाग नोंदविला होता. या स्पर्धेचा निकाल नुकताच जाहीर करण्यात आला असून त्यात गडचिरोली येथील कवयित्री *वंदना सोरते यांची आठवड्याचे उत्कृष्ट कवी व त्यांच्या “या मनाच्या मैफिलीला”* या कवितेची आठवड्याची उत्कृष्ट कविता म्हणून निवड करण्यात आली आहे. असे नाट्यश्री चे संचालक व नाटककार चुडाराम बल्हारपुरे, व कविता विभाग प्रमुख योगेश गोहणे यांनी कळविले आहे.
वंदना सोरते हे गडचिरोली येथील रहिवासी असून अनेक कथा आणि कवितांचे लेखन त्यांनी केलेले आहे . नुकत्याच प्रतिलीपी या कथेच्या ऍपतर्फे त्यांच्या ‘कलंक तुझ्या प्रेमाचा’ या कथेस पाच हजार रुपयाचे पारितोषिक व प्रमाणपत्र प्राप्त झालेले आहे. ते सातत्याने कविता व कथा लेखनाचे कार्य करीत आहे.
त्यांच्या या यशाबद्दल नाट्यश्री चे दादा चुधरी, दिलीप मेश्राम, प्रा. यादव गहाणे व प्रा. अरुण बुरे तसेच नाट्यश्री च्या सदस्यांनी त्यांचे अभिनंदन केले आहे.
या सतराव्या सत्राच्या स्पर्धेत प्रामुख्याने जयराम घोंगडे, वंदना सोरते, गणेश रामदास निकम, विलास जेंगठे, मुर्लीधर खोटेले, रविंद्र गेडाम, चरणदास वैरागडे,संतोष कपाले, माधुरी अमृतकर, तुळशीराम उंदीरवाडे, संतोष पाटील, रेखा दिक्षित, प्रेमिला अलोने, मारोती आरेवार ,नरेंद्र गुंडेली, डाॅ. मंदा पडवेकर, पी. डी. काटकर, प्रतिभा सुर्याराव, पुरुषोत्तम लेनगुरे, पुरुषोत्तम दहिकर, राज मुंजाळ, खुशाल म्हशाखेत्री, पुरुषोत्तम ठाकरे, ज्योत्स्ना बन्सोड, उपेंन्द्र रोहनकर, सुजाता अवचट, गजानन गेडाम, प्रशांत गणवीर इत्यादी कवींनी सहभाग नोंदविला होता.
या पुरस्काराचे वितरण नाट्यश्रीच्या पुढील कार्यक्रमात करण्यात येणार आहे.
– *चुडाराम बल्हारपुरे* (नाटककार)
