मुढोली चक नं. २ येथे आज जमीन अधिग्रहणाच्या चर्चेसाठी आलेल्या प्रशासनाच्या अधिकाऱ्यांसमोर ग्रामस्थांनी ठाम, एकमुखी आणि आक्रमक भूमिका मांडत जोरदार विरोध दर्शविला. गावातील शेकडो शेतकरी, महिला व युवक मोठ्या संख्येने उपस्थित होते. संपूर्ण परिसर घोषणांनी दणाणून गेला.
👉 ग्रामस्थांचा ठाम निर्णय —
“आम्ही आमच्या जमिनीचा ताबा कोणालाही देणार नाही!”
ग्रामस्थांनी स्पष्ट सांगितले की, जमीन हीच त्यांची ओळख, उपजीविका आणि कुटुंबाचा मुख्य आधार आहे. योग्य मोबदला, पुनर्वसन आणि भविष्यातील ठोस हमी मिळाल्याशिवाय कोणत्याही परिस्थितीत जमीन अधिग्रहण मान्य होणार नाही.
⚠️ प्रशासनाला थेट सवाल:
एका शेतकऱ्याने संतप्त होऊन प्रश्न विचारला —
“आम्ही 10 वेळा निवेदन दिले, त्याचं काय झालं? उपविभागीय अधिकाऱ्यांकडून कोणताही प्रतिसाद नाही. मग प्रशासन आमच्यासाठी आहे का फक्त कंपनीसाठी?”
⚠️ युवकांचा ठाम इशारा:
एका युवकाने स्पष्ट शब्दांत सांगितले —
“विकास करायचाच असेल, तर आम्हाला सरकारी जमीन द्या. आम्ही सर्व गावकरी मिळून उद्योग उभारू आणि अशिक्षित तसेच युवकांना रोजगार देऊ.”
⚠️ दुजाभावाचा आरोप:
ग्रामस्थांनी रोष व्यक्त करत सांगितले की, कंपनी आणि MIDC साठी शासकीय जमीन तात्काळ उपलब्ध करून दिली जाते, पण शेतकऱ्यांच्या हक्काच्या प्रश्नांकडे मात्र दुर्लक्ष केले जाते.
⚠️ हृदयद्रावक भावना:
अनेक शेतकऱ्यांनी डोळ्यात अश्रू आणत सांगितले —
“जमीन आमची ‘माय’ आहे. तीच जर गेली, तर आम्ही जगायचं कसं? आमची जमीन गेली, गावचं अस्तित्व संपलं — मग आम्ही जायचं कुठे?”
📍 मुढोली चेक नं. २ येथे उपविभागीय अधिकारी (SDM) यांच्या समोर ग्रामस्थांनी आपली व्यथा थेट आणि ठामपणे मांडली.
⚠️ काही वेळ तणावपूर्ण वातावरण:
सभेदरम्यान काही वेळ वातावरण तणावपूर्ण झाले, मात्र ग्रामस्थांनी संयम राखत आपली भूमिका स्पष्ट ठेवली. प्रशासनाने ग्रामस्थांच्या भावना आणि मागण्या वरिष्ठांकडे पोहोचवण्याचे आश्वासन दिले.
✊ घोषणांनी दणाणला परिसर:
“जमीन आमची — निर्णय आमचा!”
“शेतकरी एकता — जिंदाबाद!”
“शेतकरी विरोधात अन्याय चालणार नाही!”
📢 पुढील दिशा:
ग्रामस्थांनी लवकरच ग्रामसभेत पुढील आंदोलनाचा निर्णय घेणार असल्याचे जाहीर केले असून, आवश्यक असल्यास मोठ्या आंदोलनाचा इशारा देण्यात आला आहे.
#Mudholi #JaminAdhigrahan #ShetkariEkta #GaavachaNirnay #BreakingNews
